Álfareið í Reykholti

Frábær stemning var þegar Álfareið æskulýðsdeildarinnar var haldin í Reykholti föstudaginn 8 janúar. Í forreið voru álfadrottning og kóngur þau Rósa Kristín Jóhannesdóttir og Mattihas Ármann ásammt kyndlaberum. Við þökkum Aðalheiði Helgadóttir og Henriettu Ósk kærlega fyrir forsöngin, en sungin voru þrjú lög við Bergholt.
Það var virkilega góð mæting eða um 60 manns sem gengu eða voru á hestbaki. Hersingin hélt svo heim að Friðheimum þar sem dúndrandi nýársmússik tók á móti öllum. Þar var boðið upp á heitt kakó og súkkulaðiköku í boði æskulýðsdeildar. Þær stöllur Dóróthea Ármann og Katrín Rut Sigurgeirsdóttir sýndu töltsýningu með neonljós á fótum hestana og var það flott sjónarspil í myrkrinu.
.

Kyndlaberar voru margir.

Álfareið

Æskulýðsnefnd Loga stendur fyrir álfareið í Reykholti föstudaginn 8.janúar og eru allir velkomnir hvort sem þeir tilheyra hestamannafélaginu eða ekki en Loga krakkar sérstaklega hvattir til að mæta. Hugmyndin er að hafa þetta nokkurskonar skrúðgöngu og er fólki frjálst að vera á hesti eða gangandi. Hvetjum alla til að mæta í einhverjum búningum ef þeir vilja en flugeldar eru bannaðir. Við ætlum að hittast klukkan 16.30 á planinu við Aratungu og ganga upp að Bergholti þar munum við syngja tvö áramótalög, þá er ferðinni heitið að Friðheimum þar sem við fáum okkur saman heitt kakó og skúffuköku.

Kveðjum jólin saman og fögnum nýju ári í góðum félagsskap!!

Æskulýðsnefnd Loga