Hestamannafélaginu Loga hlottnaðist sá heiður um daginn að hljóta unglingabikar HSK 2009 fyrir frábært æskulýðsstarf. Við erum mjög þakklát fyrir að hljóta þessi verðlaun eftir að hafa fylgst með öllum þessum glæsilega barna og unglingahópi sem hefur tekið þátt og verið virkur í öllu starfinu ásamt dyggum stuðningi foreldra. Bikarinn til sýnis í íþróttahúsinu í Reykholti.
Í ársskýrslu HSK stendur "Unglingabikar HSK fyrir árið 2009 hlýtur að þessu sinni Hestamannafélagið Logi. Logi hefur um árabil sinnt barna-og unglingastarfinu með miklum sóma svo eftir hefur verið tekið. Æskulýðsstarf félagsins byggist uppá því að virkja börn og unglinga, láta þau fá hlutverk og verkefni við hæfi. Meðal þess sem félagið hefur gert er að halda reiðnámskeið sem hefur verið vel sótt. Þá er haldinn sérstakur reiðygja þrifdagur en þar er börnum og unglingum kennd umhirða reiðtygja. Félagið tók þátt í æskan og hesturinn og tókst atriði félagsins vel. Sérstakur æskulýðsdagur er haldinn en þá var öllum börnum í 1-6 bekk í Gr.Bláskógabyggðar í Reykholti boðið á hestbak. Félagið stendur fyrir sérstökum æskulýðsreiðtúr sem er ávalt vel sóttur." Við þökkum kærlega fyrir okkur og til hamingju Logi!
